شيرين غندور توجه صرخة من القلب
في هذا السياق نشرت البلوجر اللّبنانيّة شيرين غندور عبر حسابها الرسمي على موقع التّواصل الإجتماعيّ أنستغرام صرخة وجع من قلب القلب جاء فيها :
ايمتى بدنا نشوف بلدنا مرتاح! أيمتى بدنا نعيش بسلام و أمان! حرب ورا حرب… انفجار ورا انفجار…. أزمة ورا أزمة… غلا… جوع… بطالة… سرقة… فقر… دولة فاسدة… كورونا… أزمة دولار .. ما صدقنا ارتحنا من الدواعش و رعب الانفجارات.. من وين طلعتنا كمان هالمصيبة الجديدة؟ ولا ما بقا نحمل.. صحيح نحنا شعب مرح و مهضوم و بيتخطا كل المحن بإبتسامة و ضحكة و بتضل la vie en rose عنا .. بس من جوا محطمين و مجروحين.. هالبلد حطمنا… عم يقضي ع احلامنا يوم بعد يوم.. اليوم منضيفو ل هالايام التاريخية اللي ما بينتسو بتاريخ لبنان… ارجعنا شمينا ريحة الموت و ارتعبنا من صوت قوي مخيف صرلنا زمان ما اسمعنا.. و ما اشتقنا نسمعو ابدا”. اليوم راح عدد كبير منا… اخواتنا شي انجرح وشي انتقل لرحمة الله و شي بعدو مفقود.. و الرعب هوي الشعور الموحد الموجود بقلوبنا كلنا. رعب من المستقبل و شو بعد ناطرنا مصايب! بس بتعرفو شو؟ نحنا شعب مثابر.. قوي.. ما بهزنا شي… و بمئنو معودين عالازمات ف حتى هالازمة ح نتخطاها.. و ح نقاوم الموت متل ما كل يوم عم نقاومو.. و رح نضل هون ع ارضنا.. و نصلي كلنا تنعيش بأمان واستقرار…الحقيقة رح تبين و رح نعرف اذا هيدا اللي صار اليوم جريمة او قضاء و قدر… اللي متفقين عليه كلنا انو دولتنا طول عمرا مهملة لشعبا.. حتى انو تعودنا ع اهمالا.. صار شي عادي.. بس اذا اهمالا بدو يعمل هيك كارثة و يخسرنا هالقد دم و بشر لا ما فينا نقبل.. و ما فينا نمر على هالموضوع المرور الكرام. هول الناس اللي نوهلو او اللي استشهدو ما رح نقبل دمن يروح هيك… و ازا كانت مقصودة ف اللي ورا هالمجزرة رح يدفع الثمن… حقنا ممكن يروح عند دولتنا.. بس عند الله ما بروح… خلينا كلنا نرفع ايدينا و نصلي للجرحا يشفو و ما يتعذبو .. و نوقف دقيقة صمت ل يلي استشهدوا … و نطلب من ربنا يكشفلنا الحقيقة و يحاسب اللي ورا هلا انفجار الشنيع…
#praytolebanon
بالأضافة إلى ذلك ، نشرت شيرين عبر صفحتها مجموعة من الاعلانات التي قدمها العديد للمتضررين من انفجار بيروت ودعت الجميع للوقوف جانباً إلى جانب.
https://www.instagram.com/p/CDfWBI7n5o-/?igshid=1qijl5y35fsge
